အဆောင်အကြောင်းတွေချည်းဘဲပြောနေရတာ၊ ဖတ်နေရတဲ့သူတွေအတွက်တော့မသိ၊ ရေးနေတဲ့သူကတော့၊ အိပ်တောင်အိပ်ချင်လာဘီ။ သူငယ်ချင်း တွေအကြောင်းဘဲပြောတော့မယ့်။ ကျွန်တော်တို့သူငယ်ချင်းတွေထဲမှာ၊ ကျော်ဌေး ၂ ယောက်ရှိပါတယ်။ တယောက်ကတော့၊ သာစည်မြို့က၊ လာတဲ့ကျော်ဌေးဆိုတော့၊ သူ့ကို၊ သာစည်ကျော်ဌေးလို့ခေါ်ပါတယ်။ တယောက်က၊ စကိုင်း က လာတဲ့ကျော်ဌေးဆိုတော့၊ သူ့ကို၊ စကိုင်း ကျော်ဌေးလို့ခေါ်ကြတယ်။ သူတို့မှာ တခြားနာမည်တွေလည်းရှိပါတယ်။ သာစည်ကျော်ဌေးကိုကျတော့၊ ရေခဲစိမ်ကျော်ဌေးဆိုပီး၊ သူငယ်ချင်းတွေက စနောက်ပီးခေါ်ကြပါတယ်။ တကယ်ရေခဲစိမ်ခဲ့ရတဲ့အဖြစ်များရှိနေလို့လား--------။ သိချင်ရင်၊ ဘလော့ဂါ ကိုနေ ဆီကိုအီးမေးလ်နဲ့လှမ်းမေးနိုင်ပါတယ်။ အခုတော့၊ မောင်ကျော်ဌေးတဖြစ်လဲ၊ ဦးကျော်ဌေး၊ ဖိလစ်ပိုင်နိုင်ငံမှာ၊ MSc တက်နေပါလေရဲ့။ သူ့အကြောင်းရေးတော့၊ ကျောင်းတုန်းကအကြောင်းလေး၊ သွားသတိရမိပါတယ်။ ကျောင်းသားဘ၀၊ မောင်ကျော်ဌေးတုန်းက၊ ရန်ကုန်သူတယောက်ကို၊ ကြိုက်မိပါရော။ လူငယ်တို့ဘာဝပေါ့။ ဒါပေမယ့်၊ ရည်းစားစကားကျတော့၊ မပြောဝံ့ဘူး။ ဒါနဲ့သူငယ်ချင်းကောင်း၊ မောင်ဖိုးချွန်(ကျွန်တော်တို့အုပ်စု)၊ က၊ ရည်းစားစကားသွားပြောဖို့၊ မြှောက်ပေးလိုက်ပါတယ်။ အဲလိုလဲမြှောက်ပေးရော၊ မောင်ကျော်ဌေး၊ ဘာပြောကောင်းမလဲ၊ ရည်းစားစကားသွားပြောမယ်ဆိုပီး၊ ရန်ကုန်သူရှိရာ၊ ငွေတောင်ဆောင်ကို၊ သွားခဲ့ပါတယ်။ ဒါပေမယ့်၊ တယောက်တည်း၊ ရည်းစားစကားမပြောရဲလို့တဲ့၊ ကျွန်တော်တို့၊ သူငယ်ချင်း၊ ကိုသန်းအောင်ကို၊ အဖော်ခေါ်သွားပါတယ်။ ကိုသန်းအောင်လည်း၊ သူမှ မလိုက်ရင်၊ ငိုတော့မယ့်အတိုင်း၊ (အချစ်ရောဂါတက်နေတဲ့)၊ ဖြစ်နေတဲ့၊ မောင်ကျော်ဌေးကို မကြည့်ရက်တာနဲ့ဘဲ၊ အဖော်လိုက်သွားခဲ့ပါတယ်။
ငွေတောင်ဆောင်လည်းရောက်ရော၊ အဆောင်သူ၊ မရွှေထားကိုတွေ့ချင်တဲ့အကြောင်း၊ အဆောင်က၊ အဒေါ်ကြီးတယောက်ကို၊ပြောလိုက်တော့၊ အဒေါ်ကြီးလည်းသွားခေါ်ပေးရှာပါတယ်။ အဲ---အဆောင်သူ၊ မရွှေထားကလည်း၊ တယောက်တည်းမတွေ့ရဲလို့တဲ့၊ အဖော်တယောက်ခေါ်ပီး၊ အဆောင်ပေါ်က ဆင်းချ လာတယ်။ မောင်ကျော်ဌေးလိုဘဲ၊ ၂ ယောက်။ ကာယကံရှင်က ၂ ယောက် နဲ့ အဖော်၂ ယောက်ပေါ့ဗျာ။ ပွဲကြီးပွဲကောင်းပေါ့။ ကောင်မလေးက၊ ထွက်တွေ့ပေမယ့်၊ ကျော်ဌေးက၊ အရှိန်ယူနေတာနဲ့၊ တော်တော်နဲ့စကားမပြောဖြစ်ဘူး။ အဖော်လိုက်သွားတဲ့ကိုသန်းအောင်က၊ အတင်းတွန်းတော့မှ၊ ကျော်ဌေးလည်း ရဲဆေးတင်ပီး၊ ကောင်မလေးကို၊ ရည်းစားစကားပြောပါလေရော။ မပြောတော့လည်း၊ မပြော၊ ပြောတော့လည်း၊ အဟုတ်ဆိုသလို၊ ကောင်မလေးကို၊ ပြောလိုက်တာက၊ သာစည်----လေသံနဲ့လေ။
မ-----၊ ကျုပ်----- ခင်ဗျားကို၊ ရှစ်တယ်ဗျာ-----တဲ့။ ကောင်းကြပါလေရော။ ချစ်နဲ့ ရှစ်ကို ပီပီပြင်ပြင်မပြောတတ်။ ရည်းစားစကားနားထောင်ရတဲ့ကောင်မလေးက၊ ဖီလင်တွေမလာဘဲ၊ အဲဒီကောင်မလေးရော၊ ကောင်မလေးခေါ်လာတဲ့အဖော်ရော၊ ကိုသန်းအောင်ကရော၊ ၀ိုင်းပီးရီကြလို့၊ ရည်းစားစကားပြောတာ၊ အထ မမြောက်ဘူးဖြစ်သွားတယ်။ သြော်---ဖြစ်မှဖြစ်ရလေ။ အခုတော့လည်း၊ သူငယ်ချင်း ၊ မန်နေဂျာကြီး၊ ဦးကျော်ဌေးဖြစ်နေပီလေ။ သူ့အကြောင်းက စာရေးဆရာ မောင်စိန်ဝင်းပြောသလို၊
ပြန်မပြောချင်တဲ့၊ သံယောဇဉ်ဖွဲ့စကားတွေလို့ဘဲပြောရတော့မှာပေါ့။ အချစ်သစ်တွေ့တော့၊ အချစ်ဟောင်းဆိုတာမေ့ပါလေရောလား။ ငါးစိမ်းမြင်ငါးကင်ပစ်။ ချောင်းကိုပစ်လို့၊ မြစ်ကိုရှာဆိုသလို၊ အခုတော့၊ ဦးကျော်ဌေး၊ အချစ်မြစ်အသစ်တစင်းထဲမှာ၊ ပျော်ပျော်ကြီးစီးဝင်နေပီလေ။(ဟိုကောင်၊ နေမျိုးအောင်--တကောင်၊ သူ့အကြောင်းသူမရေးဘဲ၊ သူများအကြောင်းတွေကြီးဘဲရေးနေတယ်လို့များ၊ ဒီအကြောင်းကို သူငယ်ချင်းဖတ်ပီး၊ ပြောနေမလား။)
ငယ်ငယ်တုန်းကအကြောင်းတွေ၊ သတိရလို့ချရေးမိတာပါ။ ကျောင်းမှာအတူရှိနေခဲ့တုန်းကတော့၊ သူငယ်ချင်းတွေအချင်းချင်း၊ စကြနောက်ကြနဲ့။ ကျောင်းပီးသွားလို့၊ ၁၀နှစ်လောက်ကြာခဲ့ပီဆိုတော့၊ သူငယ်ချင်းတွေ တနှစ်တခါလောက် ပြန်ဆုံချင်ပါတယ်။ ဘာတွေလုပ်နေကြလဲဆိုတာပြောရင်းဆိုရင်းလေ။ ကိုယ့်အကြောင်းရေးဖို့၊ အလှည့်ရောက်ရင်လည်း၊ ရေးမှာပေါ့။ လာမယ်------ကြာမယ်လေ။
ဆက်ပါဦးမယ်------
Sunday, December 2, 2007
Subscribe to:
Posts (Atom)
