တခါတုန်းက--------ရေဆင်းမှာ(၆)

ကျွန်တော်တို့ တတိယနှစ်မှာသစ်ဆုံဆောင် အဆောင် မှူးအနေ နဲ့ ဆရာဦးအောင်ဆန်းရောက်လာပါတယ်။ ဆရာက၊ ကင်းတားဆောင်အဆောင်မှူးဖြစ်ပီး၊ သစ်ဆုံဆောင်ကို၊ တွဲဖက်ကိုင်ရတာပါ။ သစ်ဆုံဆောင်မှာ ၆ လကြာအုပ်ချုပ်ခဲ့ပါတယ်။ သစ်ဆုံဆောင်မှာ၊ တတိယနှစ်အတွက်ညစာစားပွဲလုပ်မယ်ဆိုတော့၊ ညစာစားပွဲအတွက်၊ ပိုက်ဆံကောက်မယ်လို့၊ အီးစီကျောင်းသားတွေကို၊ ပြောပါတယ်။ ကျွန်တော်တို့နှစ်ကကျောင်းသားတွေဟာ၊ ပထမနှစ်နဲ့ ဒုတိယနှစ်ကျောင်းသားဘ၀တွေတုန်းက၊ ညစာစားပွဲ လုပ်ဖို့ ကျွန်တော်တို့၊ ပိုက်ဆံပေးခဲ့စရာမလိုပါဘူး။ အဆောင်နေကျောင်းသားတွေပိုက်ဆံနဲ့ဝယ်ထားတဲ့၊ ဆန်တွေ၊အမြဲလိုလိုပိုပါတယ်။ ဘယ်လောက်ပိုတယ်ဆိုတာ၊ ပထမနှစ်၊ ဒုတိယနှစ်တွေမှာတုန်းက၊ ဆရာဦးအောင်ကြည်က၊ ကျောင်းသားအားလုံးကို၊ ထုတ်ပြန်ပေးပါတယ်။ တတိယနှစ်ရောက်ခါကျမှ၊ ညစာစားပွဲအတွက်၊ ကျောင်းသားတွေပိုက်ဆံပေးရမယ်ဆိုတော့၊ ကျောင်းသားတွေက၊ ပိုတဲ့ဆန်တွေကိုရောင်းပီး၊ ညစာစားပွဲလုပ်ပေးပါလို့တောင်းဆိုကြတော့၊ ဆရာက၊ ခွင့်ပြုပါတယ်။ ဒါနဲ့ကျွန်တော်တို့လည်း၊ ညစာစားပွဲလုပ်ဖြစ်သွားတယ်ဆိုပါတော့။
ညစာစားပွဲတပွဲဖြစ်မြောက်ဖို့ဆိုတာ၊ လွယ်ကူတဲ့အရာမဟုတ်ဘူးဆိုတာ၊ လုပ်ဘူးသူတိုင်းသိပါလိမ့်မယ်။ အခမ်းအနားပြင်ဆင်တာ၊ ဖျော်ဖြေရေးစင်ပြင်ဆင်တာ၊ သီချင်းဆိုမယ့်သူတွေအတွက်၊ တီးဝိုင်းအဖွဲ့တွေငှားတာ၊ စားပွဲတွေ၊ ထိုင်ခုံတွေ၊ စားပွဲခင်းတွေ၊ ငှားတာ၊ ဖိတ်စာတွေပြင်ဆင်တာ၊ စသည်ဖြင့်ပေါ့လေ၊ ဆပ်ကော်မတီတွေဖွဲ့ပီး၊ လုပ်ရတာပါ။ ဒီလိုလုပ်တာတွေအစစအဆင်ပြေဖို့၊ အဆောင်အတွင်း ရေးမှူး နဲ့ အီးစီအဖွဲ့က၊ အနီးကပ်၊ စောင့်ကြည့်ပေးပီး၊ ကျောင်းသားတွေမလုပ်နိုင်တဲ့ဟာ၊ လိုအပ်တာတွေကို၊ အဆောင်မှူးဆရာဆီကို၊ ပြောဆို၊ အဆောင်မှူးက၊ ဖြည့်စွက်ပေးပါတယ်။ ဒီလိုအဖက်ဖက်ပြည့်စုံအောင်၊ ကျောင်းသားတွေဝိုင်းဝန်းပီး၊ ကြိုးစားလုပ်ဆောင်နေတဲ့ကြားက၊ အဲဒီနှစ်ညစာစားပွဲမှာ၊ လိုအပ်ချက်တခုဖြစ်လာပါတယ်။ ဒါကို၊ အဆောင်အတွင်းရေးမှူးနဲ့ အီးစီအဖွဲ့လည်းသတိမထားမိခဲ့ပါဘူး။ အဲဒါကတော့၊ ဖျော်ဖြေရေးစင်ဆောက်ပီးတော့၊ စင်ပေါ်ကိုတက်တဲ့၊ လှေကားမလုပ်ခဲ့မိတာပါ။ အဲလို စင်ပေါ်တက်မယ့်လှေကားမရှိတာ ကို ဘယ်တော့မှ သတိထားမိလည်းဆိုတော့၊ ပါမောက်ခချုပ်မိန့် ခွန်းပြောတော့မယ်၊ စင်နားကိုရောက်သွားမှ၊ ဟာ၊ စင်ပေါ်တက်မယ့်လှေကားလည်းမရှိဘူးဆိုဘူး၊ အဲဒီဖျော်ဖြေရေးစင်နားက၊ ကျောင်းသားတယောက်ရဲ့အခန်းထဲကနေ၊ ကုတင်တလုံးထုတ်ပီး၊ စင်ပေါ်ကိုတက်ခိုင်းလိုက်ရပါတယ်။ လုံးဝမျက်နှာပျက်စရာဖြစ်သွားပါတယ်။ အဲဒီတုန်းကပါမောက်ခချုပ်က၊ ဆရာကြီးဦးတင်နိုင်ပါ။ ဒါပေမယ့်၊ ဆရာကြီးကလည်း၊ ကျောင်းသားတွေအလုပ်များပီးမေ့နေတတ်တာတွေကို၊ ဟာသနှောပီး၊ နောက်မဖြစ်အောင်၊ ဂရုစိုက်လုပ်ကိုင်ဖို့၊ ပြောဆိုဆုံးမသွားပါတယ်။ ဒါလေးက၊ ကျောင်းသားဘ၀မှာဖြစ်ခဲ့တဲ့အသေးအဖွဲလေးလို့ ဆိုပေမယ့်၊ ကျွန်တော့်အတွက်တော့၊ ကိုယ်တိုင်လုပ်ခဲ့သူတယောက်အနေနဲ့ မမေ့နိုင်စရာ၊ အတွေ့အကြုံ သင်ခန်းစာတခုရခဲ့ပါတယ်။ ဘာတွေကိုဘယ်လောက်ဘဲကောင်းအောင်လုပ်လုပ်၊ တနေရာရာမှာ၊ အားနည်းသွားရင်၊ အမှားဆိုတာဖြစ်လာတတ်ပါတယ်။ အမှားဆိုတာလူတွေနဲ့ကင်းနိုင်တဲ့အရာ မှမဟုတ်တာလို့ ပြောကောင်းပြောနိုင်ပါတယ်။ အမှားလုပ်မိမှ၊ အမှန်သိလာမယ်လို့ ပြောတဲ့သူတွေလည်း၊ ရှိနိုင်ပါတယ်။ ဒါပေမယ့်၊ အဲဒီအမှားက၊ ပြင်လို့ရတဲ့အမှား၊ ကိုယ့်ပတ်ဝန်းကျင်ကို၊ ရိုက်ခတ်မှု နည်းတဲ့ အမှားဆိုရင် ပြသာနာ မဟုတ်ပေမယ့်၊ ပတ်ဝန်းကျင်ကိုရိုက်ခတ်မှုအားကြီးတဲ့ အမှားမျိုးလုပ်ခဲ့မိရင်၊ တသက် လုံးနောင်တရလို့ ဆုံးနေမှာမဟုတ်ပါဘူး။
ကျွန်တော်တို့ပတ်ဝန်းကျင်မှာရှိနေတဲ့၊ လူကြီးတွေပြောနေကျစကားတခွန်းသတိရမိပါတယ်။ ခေါင်းဆောင်ကောင်းတယောက်ဖြစ်ဖို့၊ နောက်လိုက်ကောင်းဖြစ်ရမယ်တဲ့။ ဒီစကားက၊ ခေါင်းဆောင်တွေ၊ အရာရှိတွေ၊ ညွှန်ကြားရေးမှူးတွေ၊ အုပ်ချုပ်သူတွေဖြစ်သွားတော့မှ၊ ပြောတဲ့စကားဖြစ်ပါလိမ့်မယ်။ အမိန့်ဆန်တဲ့စကားပါ။
ဒီစကားလေးကို၊ ကျွန်တော်နည်းနည်းဖြည့်စွက်ချင်ပါတယ်။ ဘာကြီး၊ ညာကြီး၊ လာပြီး---လာပြီး၊ ဖြီးတတ်တဲ့၊ လူကြီးဆိုတဲ့ အရွယ်မရောက်ခင်၊ ပြောချင်တာပါ။ ဒီလိုပါ။
အောက်လက်ငယ်သားတွေချစ်ခင်တဲ့ ခေါင်းဆောင်ကောင်းတယောက်ဖြစ်ဖို့၊ နောက်လိုက်ကောင်းတွေ ရဲ့ စကားတွေကို တလေးတစားနားထောင်ဆုံးဖြတ်ပါလို့။ တောင်းဆိုချက်တခုပါ။
လူငယ်တွေ၊ မျိုးဆက်သစ်တွေဟာ၊ အတွေ့အကြုံနည်းကြတာမှန်ပေမယ့်၊ ပညာရပ်နယ်ပယ်တမျိုးဆီမှာ၊ ထူးချွန်ကြပါတယ်။ တချို့အမှားတွေကလည်း၊ လူငယ်တွေ အကြံပြုတာတွေ သေချာနားထောင် ဂရုတစိုက် လုပ်ဆောင်ပေး မယ်ဆိုရင်၊ ကောင်းတာတွေလည်းဖြစ်နိုင်ပါတယ်။
ရင်ထဲမှာရှိနေဆဲဖြစ်တဲ့ ဟိုတုန်းကအကြောင်းလေးတွေပါ။
ဆက်ပါဦးမယ်----